തിരുമുടിക്കുന്ന് പള്ളിയില്‍ ജൂബിലേറിയന്മാരേയും നവദമ്പതികളേയും ആദരിച്ചു
..................................................................
തിരുമുടിക്കുന്ന് ചെറുപുഷ്പം പള്ളിയില്‍ ഗ്രേസ് റിപ്പിള്‍സിന്‍റേയും ട്രിനിറ്റി കപ്പിള്‍സ് മിനിസ്റ്ററിയുടേയും ആഭിമുഖ്യത്തില്‍ വിവാഹത്തിന്‍റെ ഇരുപത്തിയഞ്ചും അന്‍പതും വര്‍ഷങ്ങള്‍ പിന്നിട്ട ജൂബിലേറിയന്മാരേയും നവദമ്പതികളേയും ആദരിച്ചു. ഇന്നലെ രാവിലെ 6- 45ന് നടന്ന ആഘോഷമായ പാട്ടുകുര്‍ബ്ബാനക്ക് വികാരി ഫാ. പോള്‍ ചുള്ളി കാര്‍മ്മികത്വംവഹിച്ചു. നവദമ്പതികളും ജൂബിലേറിയന്‍മാരും കാഴ്ചസമര്‍പ്പണം നടത്തി. പ്രാര്‍ത്ഥനാശുശ്രൂഷകള്‍ക്കുശേഷം പാരീഷ്ഹാളില്‍ വികാരി ഫാ. പോള്‍ ചുള്ളിയുടെ അദ്ധ്യക്ഷതയില്‍ അനുമോദനയോഗംചേര്‍ന്നു. കല്ലേലി അപ്രേം- ഷൈനി ദമ്പതികളുടെ പ്രാര്‍ത്ഥനയോടെ ആരംഭിച്ച യോഗത്തിന് ചുള്ളി ആന്‍റണി- ഷൈനി ദമ്പതികള്‍ സ്വാഗതം പറഞ്ഞു. കൊരട്ടി ഫൊറോന പ്രൊമോട്ടര്‍ പെരുമായന്‍ ബേബി- ഡാലി ദമ്പതികള്‍ ഗ്രേസ് റിപ്പിള്‍സ് ദമ്പതി കോണ്‍ഫ്രന്‍സിനെക്കുറിച്ച് വിശദീകരിച്ചു. പറോക്കാരന്‍ ആന്‍റണി- ഷീല ദമ്പതികള്‍ ജൂബിലേറിയന്മാരേയും നവദമ്പതികളേയും അനുമോദിച്ചു. ഗോള്‍ഡണ്‍ ജൂബിലേറിയന്‍ ചൂരക്കല്‍ അഗസ്റ്റിന്‍- ലീലാമ്മ ദമ്പതികള്‍, നവദമ്പതികളായ കിരണ്‍- അഞ്ചിത ദമ്പതികള്‍ എന്നിവര്‍ മറുപടി പ്രസംഗം പറഞ്ഞു. എറണാകുളം- അങ്കമാലി അതിരൂപത ട്രിനിറ്റി കപ്പിള്‍സ് മിനിസ്റ്ററി സെക്രട്ടറി തച്ചില്‍ അവരാച്ചന്‍- സിബി ദമ്പതികള്‍ അതിരൂപതയിലെ സംഘടനയുടെ പ്രവര്‍ത്തനങ്ങളെക്കുറിച്ച് വിശദീകരിച്ചു. ആനിമേറ്റര്‍ സിസ്റ്റര്‍ റാണിപോള്‍, കൈക്കാരന്‍ ഷിബു തയ്യില്‍, വൈസ്ചെയര്‍മാന്‍ ഷോജിഅഗസ്റ്റിന്‍ തുടങ്ങിയവര്‍ ആശംസകളര്‍പ്പിച്ചു. അസിസ്റ്റന്‍റ് വികാരി ഫാ. ജിന്‍റൊ പടയാട്ടില്‍ ജൂബിലേറിയന്‍മാര്‍ക്കും നവദമ്പതികള്‍ക്കും സമ്മാനങ്ങള്‍ നല്‍കി. പുതുശ്ശേരി ആന്‍റണി- റീന ദമ്പതികള്‍ നന്ദി പറഞ്ഞു. വിതയത്തില്‍ ചുമ്മാര്‍- മേരി ദമ്പതികള്‍, ചെറ്റാനിയില്‍ ജോസ്- തങ്കം ദമ്പതികള്‍, പള്ളിപ്പാടന്‍ ജോസ്- എല്‍സി ദമ്പതികള്‍ തുടങ്ങിയവര്‍ പരിപാടികള്‍ക്ക് നേതൃത്വംനല്‍കി. യോഗത്തിനുശേഷം സ്നേഹവിരുന്നും ഉണ്ടായിരുന്നു
