ഗോവയിലേക്കുള്ള തീർത്ഥാടനത്തോടൊപ്പം പര്യടനവും

വടക്കൻ ഗോവയിലുള്ള തിവിം റെയിൽവേ സ്റ്റേഷനിൽ ട്രെയിനിറങ്ങി. ആദ്യത്തെ ദിവസം വടക്കൻ ഗോവയിലെ കല്ലൻഗ്യൂട്ട്,ബാഗ തുടങ്ങിയ ബീച്ചുകൾ, അടുത്ത ദിവസം ഓൾഡ് ഗോവയിലെ വ്യാകുലമാത പള്ളി, മിരാമർ ബീച്ച്,ഡോനപോള ബീച്ച്, ബാലജി അമ്പലം, ശ്രീമൻഗ്യുഷ് ദേവസ്ഥാൻ, ബോംജീസസ് കത്തീഡ്രൽ, ക്രൂയിസ് യാത്ര. അടുത്ത ദിവസം വടക്കൻ ഗോവയിലെ അക്വഡ ഫോർട്ട്, അൻജുന ബീച്ച് തുടങ്ങിയവ. തിരിച്ച് തിവിം റെയിൽവേ സ്റ്റേഷനിൽനിന്ന് നാട്ടിലേക്ക്. പ്രകൃതി രമണീയമായ ഗോവയിലെ കാഴ്ചകൾ മനോഹരങ്ങളാണ്.

ഗോവയിലേക്ക് ഒരു തീർത്ഥാടനം

ഗോവ വി. ഫ്രാൻസീസ് സേവ്യറുടെ കബറിടത്തിലേക്ക് തീർത്ഥാടനം ഗോവയിലെ ബോം ജീസസ് ഭദ്രാസന പള്ളിയിലാണ് 'കിഴക്കിൻ്റെ അപ്പസ്തോലൻ' എന്നറിയപ്പെടുന്ന വി. ഫ്രാൻസീസ് സേവ്യറിൻ്റെ തിരുശേഷിപ്പുകൾ 1637 മുതൽ സൂക്ഷിച്ചിട്ടുള്ളത്. സ്പെയിനിൽ 7-4-1506ൽ ഒരു പ്രഭു കുടുംബത്തിലാണ് വിശുദ്ധൻ ജനിച്ചത്. 3-12-1552ൽ ചൈനയുടെ തീരത്തുള്ള സാൻസിയാൻ ദ്വീപിൽവച്ച് മരിച്ചു. 1622 മാർച്ച് 12 ന് ഗ്രിഗറി പതിമൂന്നാമൻ മാർപ്പാപ്പ വിശുദ്ധനായി പ്രഖ്യാപിച്ചു. വി. ഇഗ്‌നേഷ്യസ് ലയോളയുടെ അനുയായി ആയിരുന്ന അദ്ദേഹം പിന്നീട് ഏഴ് ജെസ്യൂട്ടകളിൽ ഒരാളായി മാറി. 1537ൽ വൈദികനായി.1540 ലാണ് അദ്ദേഹം സുവിശേഷ പ്രഘോഷണത്തിനായി ഗോവയിലെത്തിയത്.