ചിറങ്ങര കപ്പേളയിൽ തിരുനാൾ ആഘോഷിച്ചു

ചിറങ്ങര കപ്പേളയിൽ വി.യൂദാതദേവൂസിന്റെ തിരുനാൾ ആഘോഷിച്ചു.

 തിരുമുടിക്കുന്ന് ചെറുപുഷ്പം ഇടവകയിലെ ചിറങ്ങര വി. യൂദാ തദേവൂസിന്റെ കപ്പേളയിൽ (താമര കപ്പേള ) തിരുനാൾ സമുചിതമായി ആഘോഷിച്ചു. ഇന്നലെ വൈകിട്ട് 5ന് വികാരി ഫാ.പോൾ ചുള്ളി തിരുനാൾ പ്രസുദേന്തി വാഴിക്കൽ ശുശ്രൂഷ നടത്തി. തുടർന്ന് ആഘോഷമായ പാട്ടുകുർബ്ബാനക്ക് ഫാ.സിറിൾ കൈതക്കളം എം.സി.ബി.എസ്. കാർമ്മികത്വം വഹിച്ചു. ഫാ.ഷിജൊ കുമ്മിണിയിൽ സി.എസ്.എസ്.ആർ. വചന സന്ദേശം നൽകി. കുർബ്ബാനയെ തുടർന്ന് നൊവേന, ലദീഞ്ഞ്, ഊട്ടു നേർച്ച എന്നിവ ഉണ്ടായിരുന്നു. സഹവികാരി ഫാ.മാത്യു വരിക്കാട്ടുപാടം, തിരുനാൾ കമ്മിററി കൺവീനർ ജെയിംസ് കണ്ണമ്പുഴ തുടങ്ങിയവർ തിരുനാൾ ആഘോഷങ്ങൾക്ക് നേതൃത്വം വഹിച്ചു.