ജന്മം കൊണ്ട് മലയാളിയും കര്‍മ്മം കൊണ്ട് തമിഴ്നാട്ടുകാരനുമായ ശ്രീ എം. എന്‍. നമ്പ്യാര്‍ തമിഴ് , തെലുങ്ക് , മലയാളം , ഹിന്ദി, ഇംഗ്ലീഷ് എന്നീ ഭാഷകളിലായി ആയിരത്തിലധികം സിനിമകളില്‍ അഭിനയിച്ചിട്ടുണ്ട് . കണ്ണൂര്‍ ജില്ലയില്‍ മഞ്ഞേരിവീട്ടില്‍ കേളുനമ്പ്യാരുടേയും കല്യാണിയമ്മയുടേയും മകനായി 1919 മാര്‍ച്ച് 7ന് ശ്രീ എം.എന്‍.നമ്പ്യാര്‍ ജനിച്ചു . ഏഴാം ക്ലാസില്‍ പഠിക്കുമ്പോള്‍തന്നെ നാടകത്തില്‍ അഭിനയിച്ചു തുടങ്ങിയ അദ്ദേഹം 1946വരെ നാടക നടനായി തുടര്‍ന്നു. ഇതിനിടയില്‍ സിനിമകളില്‍ അഭിനയിച്ചു തുടങ്ങി . 1938ല്‍ ഇറങ്ങിയ ` ബന്‍പസാഗര 'യാണ് ആദ്യം പുറത്തിറങ്ങിയ ചിത്രം. തമിഴ് ചലച്ചിത്രങ്ങളിലാണ് കൂടുതല്‍ അഭിനയിച്ചിട്ടുള്ളത്. വില്ലന്‍ കഥാപാത്രങ്ങളെയാണ് കൂടുതല്‍ അവതരിപ്പിച്ചിട്ടുള്ളത്. തമിഴിലെ പ്രശസ്ത നടന്മാരായ എം.ജി.ആര്‍, ശിവാജിഗണേശന്‍, ജെമിനിഗണേശന്‍, കമലാഹാസന്‍ , രജനീകാന്ത് തുടങ്ങിയവരോടൊപ്പം അഭിനയിച്ചിട്ടുണ്ട് . മലയാള ചലച്ചിത്രത്തില്‍ ആദ്യമായി വരുന്നത് 1952ല്‍ പുറത്തിറങ്ങിയ `അമ്മ ' എന്ന സിനിമയിലാണ്.
പ്രതിഭാശാലിയായ ശ്രീ എം.എന്‍. നമ്പ്യാര്‍ 2008 നവംബര്‍ 19ന് അന്തരിച്ചു . അദ്ദേഹത്തിന്റെ സ്മരണകള്‍ക്കു മുന്‍പില്‍ ആദരാജ്ഞലികള്‍ അര്‍പ്പിക്കുന്നു .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ