ഒക്ടോബര്‍ - ജപമാല മാസം

കത്തോലിക്കാ സഭയില്‍ ജപമാലക്കായി പ്രത്യേകം നീക്കിവച്ചിട്ടുള്ള ഒരു മാസമാണ് ഒക്ടോബര്‍ മാസം. 1917ല്‍ പോര്‍ച്ചുഗലിലെ ഫാത്തിമായില്‍ ആറും , ഏഴും, ഒന്‍പതും വയസ്സുള്ള മൂന്ന് കുട്ടികള്‍ക്ക് ക്രിസ്തുവിന്റെ അമ്മയായ പരിശുദ്ധ കന്യകാമറിയം ആറ് പ്രാവശ്യം പ്രത്യക്ഷപ്പെട്ടുവെന്നും താന്‍ ജപമാലരാജ്ഞിയാണെന്നും , ജപമാല ചൊല്ലി പ്രാര്‍ത്ഥിക്കണമെന്ന് ആവശ്യപ്പെട്ടുവെന്നും വിശ്വസിക്കപ്പെടുന്നു. 1206ല്‍ സെന്റ് ഡൊമിനിക്കിന് മറിയം പ്രത്യക്ഷപ്പെട്ടുവെന്നും അദ്ദേഹത്തിന് ഒരു കൊന്ത സമ്മാനിച്ചുകൊണ്ട് കൊന്ത ചൊല്ലി മറ്റുള്ളവര്‍ക്കുവേണ്ടി പ്രാര്‍ത്ഥിക്കാന്‍ ആവശ്യപ്പെട്ടുവെന്നും വിശ്വസിക്കപ്പെടുന്നുണ്ട്. നിരവധി ആളുകള്‍ കൊന്ത ചൊല്ലി പ്രാര്‍ത്ഥിച്ചതുകൊണ്ട് അവര്‍ക്ക് ജീവിതത്തിലുണ്ടായ നേട്ടങ്ങളെക്കുറിച്ച് സാക്ഷ്യപ്പെടുത്തുന്നുണ്ട്. October 7 is the Feast of Our Lady of Rosary .