Rajasthan ka ek hi Singh [The only lion of Rajasthan] [രാജസ്ഥാന്റെ ഒരേ ഒരു സിംഹം ] എന്നും, Babosa [ Head of the Family of Rajasthan ] എന്നുമുള്ള അപര നാമങ്ങളാല്‍ അറിയപ്പെട്ടിരുന്ന , ഇന്ത്യയുടെ മുന്‍ വൈസ് പ്രസിഡന്റ് ശ്രീ ഭൈറോണ്‍ സിംഗ് ഷെഖാവത്ത് രാജസ്ഥാനിലെ സിക്കാര്‍ എന്ന സ്ഥലത്ത് 1923 ഒക്ടോബര്‍ 23ന് ജനിച്ചു . ഇന്ത്യയുടെ പതിനൊന്നാമത്തെ വൈസ് പ്രസിഡന്റായിരുന്നു അദ്ദേഹം . 2002 ആഗസ്റ്റ് 19 മുതല്‍ 5 വര്‍ഷം അദ്ദേഹം വൈസ് പ്രസിഡന്റ് ആയിരുന്നു . അന്ന് ശ്രീ. എ.പി.ജെ. അബ്ദുള്‍ കലാം ആയിരുന്നു പ്രസിഡന്റ് .
മൂന്ന് പ്രാവിശ്യം രാജസ്ഥാന്‍ മുഖ്യമന്ത്രിയായിട്ടുണ്ട് ശ്രീ. ഷെഖാവത്ത്. 1977 -80 ലും,1990- 92 ലും , 1993 - 98 ലും . 1952ല്‍ രാഷ്ട്രീയത്തിലെത്തി. 1972ല്‍ ഒഴിച്ച് എല്ലാ ഇലക്ഷനിലും അദ്ദേഹം ജയിച്ചു. 1952ലും,1957ലും , 1962ലും, 1967ലും അദ്ദേഹം രാജസ്ഥാന്‍ MLA ആയിരുന്നു. 1973ല്‍ രാജ്യസഭാ മെമ്പറായി. അടിയന്തിരാവസ്ഥക്കു ശേഷം ജനതാപാര്‍ട്ടിയില്‍ ചേര്‍ന്നു. 1977ല്‍ മുഖ്യമന്ത്രിയായി. 1980ല്‍ BJP യില്‍ ചേര്‍ന്നു . MLA ആയി, പ്രതിപക്ഷ നേതാവായി. 1985ല്‍ വീണ്ടും MLA ആയി. 1990 ല്‍ മുഖ്യമന്ത്രിയായി. 1993ല്‍ മൂന്നാമതും മുഖ്യമന്ത്രിയായി തിരഞ്ഞെടുക്കപ്പെട്ടു. 1998ല്‍ അദ്ദേഹം MLA ആവുകയും പ്രതിപക്ഷ നേതാവാവുകയും ചെയ്തു . 2002ല്‍ ആണ് ഇന്ത്യയുടെ വൈസ് പ്രസിഡന്റ് ആകുന്നത്. വിവാഹിതനായിരുന്നു. ഭാര്യ - ശ്രീമതി സൂരജ് കന്‍വാര്‍. ഒരേ ഒരു മകള്‍- ശ്രീമതി രത്തന്‍ കന്‍വാര്‍.
രാജസ്ഥാന്റെ സമഗ്ര വികസനത്തിന് ശ്രീ. ഷെഖാവത്ത് മുന്‍കൈ എടുത്തിട്ടുണ്ട്. ദരിദ്രരില്‍ ദരിദ്രരായ ജനങ്ങളെ സാമ്പത്തികമായി ഉയര്‍ത്തിക്കൊണ്ടു വരുവാന്‍ അദ്ദേഹം ``അന്ത്യോദയ് യോജന '' എന്ന പരിപാടി ആവീഷ്കാരിച്ച് നടപ്പിലാക്കുകയും അത് അന്താരാഷ്ട്ര പ്രശംസ പിടിച്ച് പറ്റുകയും ചെയ്തു . അന്നത്തെ വേള്‍ഡ് ബാങ്ക് ചെയര്‍മാന്‍ ആയിരുന്ന റോബര്‍ട്ട് മക്നാമാര ശ്രീ ഭൈറോണ്‍ സിംഗ് ഷെഖാവത്തിനെ വിശേഷിപ്പിച്ചത് `` Rockfeller of India '' എന്നായിരുന്നു. കഴിവുറ്റ സംഘാടകനും കറകളഞ്ഞ വ്യക്തിത്വത്തിന്റെ ഉടമയുമായിരുന്നു അദ്ദേഹം . 2010 മേയ് 15ന് ശ്രീ. ഭൈറോണ്‍ സിംഗ് ഷെഖാവത്ത് അന്തരിച്ചു . അദ്ദേഹത്തിന്റെ സ്മരണക്കു മുന്‍പില്‍ ആദരാജ്ഞലികള്‍ അര്‍പ്പിക്കുന്നു .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ