` ഇന്ത്യന്‍ അണുശക്തി പരിപാടികളുടെ പിതാവ് ' [Father of indian Nuclear Power Programme ] എന്നറിയപ്പെടുന്ന ഹോമി ജഹാംഗിര്‍ ബാബ പ്രശസ്തമായ ഒരു പാഴ്സി കുടുംബത്തില്‍1909 ഒക്ടോബര്‍ 30 ന് ജനിച്ചു . നിയമജ്ഞനായ ജഹാംഗിര്‍ ഹൊര്‍മൂസ്ജി ബാബയുടേയും കലാകാരിയായ മെഹറിന്റേയും മകനായിട്ടാണ് ജനനം . ജനിച്ചതും വളര്‍ന്നതും മുംബെയിലായിരുന്നു. പ്രാഥമിക വിദ്യാഭ്യാസത്തിനുശേഷം ഉപരിപഠനത്തിനായി 1927ല്‍ ബ്രിട്ടണില്‍ പോയി . കേംബ്രിഡ്ജ് യൂണിവേഴ്സിറ്റിയില്‍ നിന്ന് മെക്കാനിക്കല്‍ എഞ്ചിനിയറിംഗ് പാസ്സായതിനുശേഷം 1935ല്‍ ഫിസിക്സില്‍ പി. എച്ച്. ഡി. എടുത്തു. ഇന്ത്യയിലെ പ്രമുഖ വ്യവസായി ആയിരുന്ന D. J. Tatta യുടെ സഹായത്തോടെ 1945ല്‍ ബോംബെയില്‍ ` ടാറ്റ ഇന്‍സ്റ്റിറ്റ്യൂട്ട് ഓഫ് ഫണ്ടമെന്റല്‍ റിസര്‍ച്ച് ' സ്ഥാപിക്കുകയും ഹോമി ജഹാംഗിര്‍ ബാബ അതിന്റെ സ്ഥാപക ഡയറക്ടര്‍ ആവുകയും ചെയ്തു . ഇന്ത്യന്‍ സ്വാതന്ത്രൃത്തിനു ശേഷം, ഇന്ത്യന്‍ പ്രധാന മന്ത്രിയായിരുന്ന ശ്രീ ജവഹര്‍ലാല്‍ നെഹ്റുവുവുമായുള്ള സൗഹൃദം കൊണ്ട് ഇന്ത്യയുടെ ആണവ പോളിസിയില്‍ നിര്‍ണ്ണായക സ്വാധീനം ചെലുത്താന്‍ അദ്ദേഹത്തിന് കഴിഞ്ഞു . അങ്ങനെ, നെഹ്റു ആണവോര്‍ജ്ജ നിയമം കൊണ്ടുവരുകയും 1954ല്‍ ആണവോര്‍ജ്ജ ഡിപ്പാര്‍ട്ട്മെന്റ് നിലവില്‍ വരുകയും ചെയ്തു . ഹോമി ജഹാംഗിര്‍ ബാബ ആയിരുന്നു ആണവോര്‍ജ്ജ ഡിപ്പാര്‍ട്ടമെന്റിന്റെ പ്രഥമ സെക്രട്ടറി. ശ്രീ രാജ രാമണ്ണ തുടങ്ങിയ നിരവധി ശാസ്ത്രജ്ഞരെ അദ്ദേഹം കൊണ്ടുവരുകയും ആണവോര്‍ജ്ജ പരിപാടികളില്‍ വിവിധ പരിപാടികള്‍ ആസൂത്രണം ചെയ്യുകയും ചെയ്തു . 1974ല്‍ ഇന്ത്യയില്‍ ആദ്യത്തെ ആണവ പരീക്ഷണം നടത്തുന്നതില്‍ മുഖ്യ പങ്കുവഹിച്ച ആളായിരുന്നു ശ്രീ രാജ രാമണ്ണ.
1954ല്‍ പത്മഭൂഷണ്‍ അവാര്‍ഡ് നല്‍കി രാഷ്ട്രം ശ്രീ ഹോമി ജഹാംഗിര്‍ ബാബയെ ആദരിച്ചിട്ടുണ്ട് .1942ല്‍ Adams Prize അദ്ദേഹത്തിന് ലഭിച്ചിട്ടുണ്ട് . നല്ലൊരു കലാകാരനും സംഗീതജ്ഞനുമായിരുന്നു അദ്ദേഹം . 1966 ജനുവരി 24ന് ഒരു വിമാന അപകടത്തില്‍ ശ്രീ ഹോമി ജഹാംഗിര്‍ ബാബ അന്തരിച്ചു. രാഷ്ട്രം കണ്ട മഹാന്മാരായ ശാസ്ത്രജ്ഞരില്‍ ഒരാളായ അദ്ദേഹത്തിന്റെ ഓര്‍മ്മകള്‍ക്കു മുന്‍പില്‍ ആദരാജ്ഞലികള്‍ അര്‍പ്പിക്കുന്നു .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ